تنضيف الجسم كلة من اول الرموش لحد الرجلين

ازيكم يا احلي فتكات
ده وصفات للي بتكسل تعمل حاجة ومن ضمنهم انا لاننا سبب اننا ما بنعملش صعوبة الوصفات فبسيب الوصفات كلها

نبتدي من فوقولا من تحت


من فوق:

1-الرموش:

ادهنيها بزيت زيتون وزيت خروع
بنسب متساوية كل يوم بالليل
او فازلين


2-حولين العنين لمنع التجاعيد وتكون صافية:

زيت لوز حلو ونحط عليه كبسولات فيتامين eمن الصيدلية

3-الشفايف
بجنيه دم غزال من العطار تكفيكي سنة
ذرة دم غزال+علبة صغيرة فازلين+م ص زيت زيتون+م ص زيت لوز حلو+م ص عسل

4- الوجه

تقشيره:
سكرب سكر وليمون
لازالة البثور السودا من الانف او تقشير اخر للوجه كله:
صابون+سكر
اغسلي وشك بصابون وقبل ما تشطفيه جيبي سكر واعملي مع الرغاوي سكرب

تونرطبيعي:
ماء الورد
للمسام الواسعة والتفتيح:
م ص نشا+5نقط ليمون+م ص عسل نحل+ترمس مطحون+م ص لبن نيدو

ونشيل الليمون لو البشرة جافة

الحبوب اللي ف الوجه:

غسل بصابوبة طبية
مسك عسل نحل وليمون

نجي بقي للجسم:

تعملي شاور:
جيبي صابونة تفتيح: يوكو، دوف،
ازازة مية ورد
ازارزة جلسرين
وحطي بقي لو عندك زيوت: لوز مر،زيتون، جوز هند ده هيكون جامد للبشرة الجافة

عصير ليمونتين
ابشري الصابون وانقعيه في مية ورد للصبح وحطيه ع النار لغاية ما يسيح بعدين حطي المكونات وف الاخر الليمون

استخدميه:
حطي ع جسمك زي الكريم قبل الحما ب ساعة ورحته تحفة وادعكي بالليفة المغربي
ممكن تضيفي ملح الحليب والترمس المطحون وانتي بتستحمي هتبقي فلة
وبعد الحمام:
ادهني:جيبي اي كريم او زيت لجسمك وحطي عليه ليمونتين،او ليمون وجلسرين

عندك حبوب ف الؤخرة:
حطي فازلين قبل الحما بساعة والبسي عليه كيس نايلون

تفتيح الركب والكيعان:

ادهني زيت زيتون بالليل او الصبح
اصحي الصبح خدي شور واعملي صنفرة للركبة بعد ما تخلصي حمام ادهني فازلين ع
ركابك وصنفريعم بمبرد الرجلين وكل شوية حطي فازلين وصنفري ف الاخر رطبي
بالليمون والجلسرين وزيت الزيتون

تفتيح الابط والمنطقة الحساسة:
نشا وليمون
ف كريم طبيعي لاطفال حلو وسمعت عن ناس جربته اسمه سودو ف صيدلية العزبي او خليل


احسن كريم للتقشير المناطق هو رتن ايه حلو بس عايز ترطيب وعدم خروج ف الشمس
وممكن تقشري المؤخرة بيه بعد ما تعالجي الحبوب

للشعر اللي تحت الجلد:
في كريم اسمه كرباميد ب3ج ادهني منه مرة كل يوم بالليل وعايز صبر

نيجي بقي للسيلوليت:
م قهوة+كريم جليسوليد+م ليمون

ندعك كتير بيهم كل يوم بعد الشور

للخطوط البيضا:
الوصفات اللي اثبتت:
لسان بحر ع خل تفاح يتساب يوم وبعدين نستخدمه
او خل تفاح بس
او زبدة الشيا+زيت زيتون+زيت جنين القمح
او كريم بانثينول+زيت لوز مر
ممكن تحطي خل تفاح بالليل بعد الشاور:
والصبح بانثينول+زيت لوز مر+زيت زيتون+ليمون

ولجمال ايدك:
وظبي ع الفازلين او اي كريم واعصريه عليه ليمون وادعكيها بالليمون
رجليكي:
بالحجرة وادعكيها بعدين ادعكي بليمونة وحطي كريم مرطب وحطي عليه ليمون وحطي عليه كيس وشراب ونامي



وف الة اسمها ديرما رولر في حدود 500 ج مصري سمعت انها بتحل مشاكل كتير ف
البشرة الندبات والسلوليت واثار حب الشباب والخطوط البيضا وف ناس ف
السعودية بيبعوها يا سلام لو مندوبة حلوة مصرية كده تبتدي هي تستوردها
واتبعها بيقولوا ان الالة ديه دكاترة التجميل بتعمل بيها جلسات ف العيادات
وليها مقاسات ع حسب الغرض يا رب نلاقي تاجرة مصرية شاطرة تقدر توفرهلنا
هنا ف مصر
: