| نفسك تسمع حاجه تخلى كل حياتك تتغير؟ اتفضل ادخل | |
|
|
كاتب الموضوع | رسالة |
---|
3mw عضو نشيط
علم الدوله : البلد : الاسكندريه عدد المساهمات : 31 تقيم : 16 تاريخ التسجيل : 12/02/2011
الاوسمه :
| موضوع: نفسك تسمع حاجه تخلى كل حياتك تتغير؟ اتفضل ادخل الثلاثاء فبراير 15, 2011 6:56 pm | |
| بسم الله الرحمن الرحيم السلام عليكم ورحمة الله وبركاته ندخل في صلب الموضوع علطول أنا بافكر في فكرة عبقرية و محتاج مساعدتكم فيها ..إيه رأيكم نقعد كده زي (تنابلة السلطان ) منعملش أي حاجة في حياتنا ومايبقاش لينا أي لازمة يعني لا نشتغل و لا نذاكر ولا نتعب نفسنا خالصانت باين عليكم كده ولاد حلال و بتسمعوا الكلام فأنا (هاسوق فيها ) و اقوللكم على حاجة كمانعاوزين كمان اللي يجوع أو يعطش .. ماياكلش ولا يشربو اللي يعيا (يمرض يعني) مياخدش دوا.- حد يطرد الواد ده من المنتدى يا جدعان .... فين المشرفين اللي هنا ..؟؟؟- فيه إيه بس يا عم .. و أنا اللي باقول عليكم طيبين و هتسمعوا كلامي- نسمع كلام مين يابني .. إنت باين عليك اتجننت- اتجننت ليه بس .. طيب فهمني أنا غلطت في إيه ..- إنت شايفني مختوم على قفايا (زي هيت مان) ولا راكن الفيل على باب المنتدى ؟؟إزاي يعني الكلام اللي بتقوله ده .. إزاي الواحد ميشتغلش ولا ياكل ولا يشرب .. أمال نعيش إزاي- خضيتني يا كابتن .. كنت فاكر إنك هتقول حاجة صعبة معرفش أرد عليهاإنت كل اللي همك يعني إنك هتعيش إزاي .. بسيطة .. يعني إنت جيت في جمل .. ولا في فيل ؟؟بكل بساطة .. لما تكون عاوز فلوس .. أو عاوز أكل أو شرب .. اطلب من ربنا و استنى ربنا يجيبلك اللي انت عاوزهإيه مش عاجبك ؟؟؟اعترضوا بقى على كلام ربُـنا - لا طبعا مش هنعترض على كلام ربنا .. بس ربنا ما قالش كده .. ربنا جعل لكل حاجة سبب .. يعني عشان ربنا يرزقنا لازم ناخد بالأسباب و نشتغل .. و بعد ما ناخد بالأسباب .. نتوكل على ربنا و ربنا هيرزقنامش ربنا بيقول ( فَامْشُوا فِي مَنَاكِبِهَا وَكُلُوا مِنْ رِزْقِهِ وَإِلَيْهِ النُّشُورُ) الملك 15- طب ما انت حلو اهو و حافظ الآيات كمان ..أمال اشمعنى يعني لما بنيجي نقول يا جماعة عاوزين نتوب و نرجع لربنا بتقول لي :إن شاء الله لما ربنا يهدينا .. ادعيلنا يا عم الشيخاشمعنى دي مش بناخد فيها بالأسباب- امممممممممم .. اصــــــــــــــل-يا عم أقعد بقى ..ده انت منظرك بقى وحش خالص قدام الأعضاء ..و فرحان بس (اطردوه من المنتدى) و تصحي المشرفين من النوم -مش يا عم الشيخ ربنا هو اللي بيهدينا برضه ؟؟-دلوقت بقيت عم الشيخ ..؟؟ما علينا ..أيوة طبعا ربنا اللي بيهديناو ربنا برضه هو اللي بيرزقناو هو اللي بيشفينااسمع كده كلام سيدنا ابراهيم في سورة الشعراء :(الَّذِي خَلَقَنِي فَهُوَ يَهْدِينِ (78) وَالَّذِي هُوَ يُطْعِمُنِي وَيَسْقِينِ (79)وَإِذَا مَرِضْتُ فَهُوَ يَشْفِينِ (80) وَالَّذِي يُمِيتُنِي ثُمَّ يُحْيِينِ (81)وَالَّذِي أَطْمَعُ أَنْ يَغْفِرَ لِي خَطِيئَتِي يَوْمَ الدِّينِ)يعني زي ما هدايتنا بإيد ربنا ..برضه رزقنا و أكلنا و شربنا و شفاءنا ..و كل حاجة بإيد ربنا سبحانه و تعالىيبقى زي ما بناخد بأسباب الرزق بإننا نشتغل ..و بناخد بأسباب الشفاء بإننا نتعالجلازم ناخد بأسباب الهداية بإننا نتوب و نطيع ربنا
-بس يعني دايما اللي بنسمعه .. مثلا الممثلين اللي بيتوبوا .. في يوم وليلة بيتحولوا من قمة الفساد لقمة الهداية
أومثلا فلان الفلاني حصل له موقف ..
أبوه مات في حادثة ..
واحد صاحبه اتحرق ..
اخوه انتحر ...
و بعدين حياته كلها بتتغير 180 درجة و بيبقى (إنسان جديد)
-واضح إنك بتتفرج على سبيس تون كتير
الممثلين اللي بتقول عليهم دول .. إنت بتشوف قصتهم من آخرها
انما هما بيمروا برحلة مجاهدة كبيرة .. يمكن أكبر من اللي انت ممكن تمر بيها بكتير و بيضحوا بالشهرة و الفلوس و بيتعرضوا لانتقادات كتير .. و بيتعبوا
يعني مش يوم و ليلة ولا حاجة
ثم هو يعني سيادتك مستني حاجة من الحاجات دي تحصل لك عشان تتوب
مين يا عم قال الكلام العجيب ده
ما هو ده اللي خلاني أتكلم معاك النهارده
إن الشيطان راسم عندك صورة في دماغك ..
إنك هتسمع كلمة أو يحصل لك موقف ..
هتنام بالليل (هوووووووب) تصحى تلاقي نفسك الإمام البخاري
و الفكرة دي هي نفس الفكرة العبقرية اللي انا قلت عليها فوق
إننا نستنى الرزق يجيلنا لوحده من غير ما ناخد بالأسباب
ربنا بيقول في الحديث القدسي
( إذا تقرب العبد مني شبرا تقربت منه ذراعا) صحيح البخاري
أول حاجة إيه .. (من تقرب إلي شبرا)
يعني لازم إنت تاخد خطوة ..
شبر بس ..
هتلاقي ربنا بيسهل لك التوبة و بيتقرب إليك اكتر
أهم حاجة إنك...
تبدأ
و تاخد الخطوة دي
إنما هتفضل واقف كده مستني الهداية تنزل عليك من السما
مستني لما يحصل لك موقف مؤثر
أو تسمع درس أو خطبة يأثر فيك جامد
أو واحد يقول لك كلمة (تهزك )
أو مستني لما أخوك ينتحريبقى خليك مستني ..
هتلاقي أخوك برضه مستنيك تنتحر عشان يتوب هو كمان
لازم إنت اللي تاخد الخطوة و تجاهد نفسك ربنا بيقول :
(وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ) العنكبوت 69
يعني لازم تجاهد و تشتغل لربنا عشان ربنا يرزقك الهداية
اتفقنا ؟؟؟
======================
الرسالة اللي عاوز أوصلها من الكلام اللي فات باختصار (عشان اللي مش بيحب الرغي) إن مفيش عصاية سحرية .. هتخلي الواحد يتغير مرة واحدة و يتوب و يبقى من أولياء الله الصالحين
الموضوع محتاج مجاهدة و صبر ..
و لازم و انت ماشي في طريقك لربنا هتقع .. و تقوم .. و تبتلى ..
فكل المطلوب منك إنك تاخد الخطوة و تحاول تقرب لربنا
و ده هيجرنا للكلام عن حاجة تانية ..
إن البعض بيقول .. إن أنا مش همشي في طريق ربنا دلوقت .. لأن دي مسؤلية كبيرة أنا مش قدها !
و أنا لو التزمت دلوقت هاسئ للمتدينين و للدين عشان أنا عارف نفسي مش هعرف أثبت .. و هرجع تاني
فانا هستنى لحد ما أصلح شوية حاجات كده .. عشان لما أتوب .. أتوب (على نضيف)
و ده من أشهر مداخل الشيطان
و رده بسهولة إنك تعرف إنك مش مطلوب منك تبقى معصوم من الذنوب
و محدش من الناس الملتزمين اللي انت بتشوفهم ولا حتى المشايخ معصوم من الخطأ
اسمع كلام حبيبك صلى الله عليه و سلم
(كل ابن آدم خطاء و خير الخطائين التوابون)
فانت مش مطلوب منك إنك تكون معصوم
المطلوب إنك تتوب لما تخطئ ..
مش انك تبدأ (على نضيف) و تفضل كده على طول !!!!
اكييد هتقع فى الوسط
بس متخافش ربنا مش هيسيبك
يالا توكل على ربنا وتوب دلوقتى من كل ذنوبك
ومبارك عليك توبتك ونقفل الخط بقا عشان محدش يدخل يضربني أشوفكم علي خير إن شاء الله
| |
|
| |
???? زائر
| موضوع: رد: نفسك تسمع حاجه تخلى كل حياتك تتغير؟ اتفضل ادخل الأربعاء فبراير 16, 2011 12:33 am | |
| بجد رائع رائع رائع
بجد الله يبارك فيكى من غير مجامله والله
جزاكى الله كل خير |
|
| |
???? زائر
| موضوع: رد: نفسك تسمع حاجه تخلى كل حياتك تتغير؟ اتفضل ادخل الأربعاء فبراير 16, 2011 5:18 am | |
| (الَّذِي خَلَقَنِي فَهُوَ يَهْدِينِ (78) وَالَّذِي هُوَ يُطْعِمُنِي وَيَسْقِينِ (79) وَإِذَا مَرِضْتُ فَهُوَ يَشْفِينِ (80) وَالَّذِي يُمِيتُنِي ثُمَّ يُحْيِينِ (81) وَالَّذِي أَطْمَعُ أَنْ يَغْفِرَ لِي خَطِيئَتِي يَوْمَ الدِّينِ)
|
|
| |
دنيا المشرف العام
علم الدوله : البلد : البلد عدد المساهمات : 290 تقيم : 1 تاريخ التسجيل : 23/01/2011 الموقع : مصر
الاوسمه :
| موضوع: رد: نفسك تسمع حاجه تخلى كل حياتك تتغير؟ اتفضل ادخل الأربعاء فبراير 16, 2011 10:48 am | |
| موضوع جميل
وطرح اكثر من راءع
تسلمى يا قمر[b] | |
|
| |
كلمات عضومتألق
علم الدوله : البلد : ام الدنيا الاوسمه : عدد المساهمات : 344 تقيم : -1 تاريخ التسجيل : 04/02/2011 العمر : 49 الموقع : القاهره
الاوسمه :
| موضوع: رد: نفسك تسمع حاجه تخلى كل حياتك تتغير؟ اتفضل ادخل الأربعاء فبراير 16, 2011 12:03 pm | |
| الموضوع تحفه ورائع وطريقة السرد جذابه ومفيده جدا | |
|
| |
ملكه القلوب مشرفة منتدى الفضفضه والتجارب
علم الدوله : البلد : مصر الاوسمه : عدد المساهمات : 750 تقيم : 1 تاريخ التسجيل : 05/02/2011
الاوسمه :
| موضوع: رد: نفسك تسمع حاجه تخلى كل حياتك تتغير؟ اتفضل ادخل الأربعاء فبراير 16, 2011 12:16 pm | |
| [b]موضوع اكثر من متميز
واسلوبك فى التعبير تحفه
جزاكى الله كل خير
| |
|
| |
3mw عضو نشيط
علم الدوله : البلد : الاسكندريه عدد المساهمات : 31 تقيم : 16 تاريخ التسجيل : 12/02/2011
الاوسمه :
| موضوع: رد: نفسك تسمع حاجه تخلى كل حياتك تتغير؟ اتفضل ادخل الأربعاء فبراير 16, 2011 5:37 pm | |
| - الكبير اوى كتب:
- بجد رائع رائع رائع
بجد الله يبارك فيكى من غير مجامله والله
جزاكى الله كل خير اسعدنى جدا مرورك نورت الموضوع | |
|
| |
3mw عضو نشيط
علم الدوله : البلد : الاسكندريه عدد المساهمات : 31 تقيم : 16 تاريخ التسجيل : 12/02/2011
الاوسمه :
| موضوع: رد: نفسك تسمع حاجه تخلى كل حياتك تتغير؟ اتفضل ادخل الأربعاء فبراير 16, 2011 5:41 pm | |
| - دنيا كتب:
- موضوع جميل
وطرح اكثر من راءع
تسلمى يا قمر[b] الاجمل مرورك ياقمر منورة والله | |
|
| |
3mw عضو نشيط
علم الدوله : البلد : الاسكندريه عدد المساهمات : 31 تقيم : 16 تاريخ التسجيل : 12/02/2011
الاوسمه :
| موضوع: رد: نفسك تسمع حاجه تخلى كل حياتك تتغير؟ اتفضل ادخل الأربعاء فبراير 16, 2011 5:47 pm | |
| - كلمات كتب:
- الموضوع تحفه ورائع
وطريقة السرد جذابه ومفيده جدا
مشكورة حبيبتى على الرد | |
|
| |
3mw عضو نشيط
علم الدوله : البلد : الاسكندريه عدد المساهمات : 31 تقيم : 16 تاريخ التسجيل : 12/02/2011
الاوسمه :
| موضوع: رد: نفسك تسمع حاجه تخلى كل حياتك تتغير؟ اتفضل ادخل الأربعاء فبراير 16, 2011 5:58 pm | |
| - ملكه القلوب كتب:
- [b]موضوع اكثر من متميز
واسلوبك فى التعبير تحفه
جزاكى الله كل خير
جزانا الله وايكى ياقمر منورة | |
|
| |
| نفسك تسمع حاجه تخلى كل حياتك تتغير؟ اتفضل ادخل | |
|