دنيتى تو داى
اهلا وسهلا زائرنا الكريم يسعدنا ويشرفنا ان تنضم الى اسرتنا فى دنيتى التى ستصبح دنيتك


احلامك اوامر  
الرئيسيةالبوابةس .و .جالتسجيلدخول

شاطر | 
 

 افضل طريقة لعمل حمام بخار للوجة وازالة البثور والرؤس السوداء

اذهب الى الأسفل 
كاتب الموضوعرسالة
مدام رورو
مشرفة منتدى شات دنيتى
مشرفة منتدى شات دنيتى
avatar

علم الدوله :
البلد : مدينة احلامى
عدد المساهمات : 15
تقيم : 10
تاريخ التسجيل : 03/03/2011

مُساهمةموضوع: افضل طريقة لعمل حمام بخار للوجة وازالة البثور والرؤس السوداء   الجمعة مارس 04, 2011 12:40 pm



السلام عليكم ورحمه الله وبركاته

والصلاه والسلام على افضل الخلق
سيدنا محمد صلى الله عليه وسلم


عرفت طريقه حمام بخار حلوه اوووووووووى وازاله البثور

انا جربت كذا طريقه من كذا كوافيره بس دى كانت تحففففففه

ماشاء الله عليها

عندى الكوافيره مغربيه فى مركز التجميل اللى بروحه

وكانت بتشتغل فتره بالسعوديه وجت مصر

قالتلى اولا غلط اننا نلعب بالثوره دى نهائى

لانها لو عفصناها هتكتر وهتطلع بدالها بعدها شعر صغير

مينفعش حتى نتغط عليها بالاله الحديد او معدن قالتلى دكتور قالها الطريقه دى غلط

لان الاله الحاده هتعمل مشاكل بالجلد

والبثور عباره عن دهون بتطلع من المسام ومع عامل الجو بتنشف وبتتحول للون الاسود

الاول نضفت وشى بميه الورد قالتلى دايما تستخدميه اول مااتصحى

وقبل ماتنامى تغسلى وشك بااى مطهر منظف غسول او صابونه طبيه

وبعدها بقطنه مبلله بميه الورد

وبعدين بعد مانضفت وشى بميه الورد حطت وشى على جهاز البخار عشر دقايق كده

بس لازم الوش يفضل كله بالجهاز وغطتنى بفوطه

علشان المسام تتفتح والبشره تاخد البخار كله

(سمعت ان فى نااس بتحط اضافات فى الميه
فى بيحطو نقطتين ميه ورد او نعناع اعشاب يعنى )

وبعدين حطتلى كريم كده بس هموت واعرف اسمه

مردتش تقولى ابداااااااااا

حطيت منه لاقيت وشى منور منور وبيلمع ولا الممثلات

المهم زعلت طبعا هههههههههه وشايله اسم الكريم من على العلبه

المهم بعد ماحطتلى من الكريم ده حطت وشى بالجهاز تانى خمس دقايق

وبعدها لاقيت وشى بقى زى البيضه المسلوقه

مسحت الكريم بقطن وبعدين ابتدت تضغط من طرفين الانف بحتتين قطن
بصوابعها

وتطلع البثور السودا كلها بقت تطلع معاها بسهوله جداااااااااا

وبعدين مسحت الوش بقطنه فيها ميه ورد عالطول علشان تقفل المسام

لان ميه الورد ماده قابضه

المهم حطتلى الكريم تانى وعملتلى مسااج للوش كله

جت عند حلقه العين من تحت فركت بحركه دائريه لجوه وعكس الساعه

وعند الجبهه عملت حركات دائريه

والخدود فضلت تضغط من تحت لفوق


من الخد تمشى صوابعها من تحت لفوق كانها طالعه على العين حركات ورا بعض

وطبعا مع الاسترخاء اد اربع خمس دقايق كده لانها بتنشط الدوره الدمويه بالبشره

وبعدها حتطلى ماسك صنفره ربع سااعه

وفى بيحطو طمى مغربى للوش وفى بيحطو بودره تلك على حسب يعنى

وبعدها مسحت وشى بقطن فيه ميه ورد تانى وحطيت كريم مرطب وخلاص كده


بس الافضل نعملو بعد ازاله الشعر بيوم

الطريقه دى من بعد ماغشتها منها بقيت اعملها نفسى فى البيت

ايه رايكم

_________________
الرجوع الى أعلى الصفحة اذهب الى الأسفل
ملكه القلوب
مشرفة منتدى الفضفضه والتجارب
مشرفة منتدى الفضفضه والتجارب
avatar

علم الدوله :
البلد : مصر
الاوسمه : الاوسمه
عدد المساهمات : 750
تقيم : 1
تاريخ التسجيل : 05/02/2011

الاوسمه
 :



مُساهمةموضوع: رد: افضل طريقة لعمل حمام بخار للوجة وازالة البثور والرؤس السوداء   السبت مارس 05, 2011 1:20 pm

طريقه جامده جداااااا يا ريرى

بس ما عرفتيش برضه اسم الكريم ايه

هههههههههه عشان الطريقه تكون كامله

تسلم ايدك يا قمر

_________________
سبحان الله وبحمده سبحان الله العظيم

يا حى يا قيوم برحمتك استغيث

الرجوع الى أعلى الصفحة اذهب الى الأسفل
 
افضل طريقة لعمل حمام بخار للوجة وازالة البثور والرؤس السوداء
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
دنيتى تو داى :: قسم المرأه والاسره :: الرشاقه والعنايه بالبشره-
انتقل الى: